ଈଶ୍ୱର ଜଗଦୀଶ୍ୱର ପରମେଶ୍ୱର କରୁଣା କର । ଘୋଷା ।
ତୁମେ କରୁଣା କରିଲେ ଊଣା ହେବି ମୁଁ ଆଉ କାହାର ?
ମୋ ଦେହ ପ୍ରାଣ ଆତ୍ମା ଜୀବନ ସବୁ ତ ପ୍ରଭୁ ତୁମର ା ୧ ।
ତୁମ୍ଭ ବିହୁନେ ଏହି ଭୂବନେ ମୋ ମନ ସଦା ଅସ୍ଥିର,
ଗଗନେ ଯେହ୍ନେ ଧୂମ ପବନେ କେବେ ନୁହଇ ସୁସ୍ଥିର ା ୨ ।
ତୁମ୍ଭେ ସଙ୍ଗତେ ନ ଥିଲେ ମୋତେ ଦିଶଇ ସବୁ ଅନ୍ଧାର,
ପାପାତ୍ମା ଆସି ମନରେ ପଶି ଶାନ୍ତି ହରଇ ସତ୍ୱର ା ୩ ।
ସବୁ ଅସାର, ମିଥ୍ୟା ସଂସାର, ନାହିଁ ବିଶ୍ରାମ ଆତ୍ମାର,
ତୁମ୍ଭ କରୁଣା କେବଳ ସିନା ସୁଖ ଶାନ୍ତିର ନିଝର ା ୪ ।
ହେ ପ୍ରଭୁ ଆସ, ମୋ ହୃଦେ ବସ, କର ତହିଁ ଅଧିକାର,
ସଙ୍ଗତେ ଥାଅ, ଶାନ୍ତିରେ ନିଅ ସ୍ୱର୍ଗୀୟ ପଥେ ତୁମ୍ଭର ା ୫ ।
ନିଦାନ କାଳ ହେଲେ ପ୍ରବଳ ମନୁ ଭୟ ଦୂର କର,
ଶ୍ରୀଚରଣେ ସ୍ଥିର ଭାବରେ ରଖହେ ଆତ୍ମା ମୋହର ା ୬ ।
Leave a Reply to DEBADHAR Majhi Cancel reply